Президенттин басма сөз кызматы Мухтар Шербаевди Нарын облусунун Ат-Башы районунун акими кызматына дайындалганы тууралуу маалымдады.
Эскертүү керек, өткөн күнү УКМКнын төрагасы Камчыбек Ташиев аймактагы медициналык кызматкерлер менен жолугушуу өткөрдү. Жолугушуу учурунда ал Нурбек Сатаровго жаңы акимдин дайындалышынын кечиккен себептерин түшүндүрүүнү талап кылып, райондун толук кандуу жетекчиликсиз калганына байланыштуу тынчсыздануусун билдирди.
Облус администрациясынан алынган маалыматка ылайык, мурдагы аким Эмилбек Абдыкалыков 21-январда өз кызматын таштап, башка жумушка өткөн. Ошондон бери Ат-Башы өз жетекчисинен ажырап калган.
Мухтар Шербаев буга чейин Жалал-Абад облусунун Ала-Бука районунун биринчи вице-акими кызматын аркалаган.
