Анын пикиринде, мындай чечим аз камсыз болгон жарандар үчүн өтө пайдасыз болот. «Жыйымдардын жогорулашы алардын бюджетине катуу таасир этет», — деп белгиледи парламент мүчөсү.
Мурда альтернативдик кызмат үчүн, үй-бүлөлүк жагдайларга байланыштуу, 18 миң сом өлчөмүндө төлөм каралгандыгы, ал эми мүмкүнчүлүктөрү чектелген жарандар үчүн — 25 миң сом белгиленгендиги маалымдалган. Бирок жаңы мыйзам долбоорунда бул суммаларды 25 жана 50 миң сомго чейин көбөйтүү сунушталууда. Ошондой эле, курал колдонууга жана армияда кызмат өтөөгө уруксат бербеген диний уюмдарда катталган адамдар үчүн төлөмдү 25 миң сомдон 50 миң сомго көтөрүү пландалууда.
Коргоо министрлиги маалымдагандай, учурдагы ставкалар 2017-жылы бекитилген, сунушталган өзгөртүүлөр учурдагы экономикалык реалияларды жана инфляция деңгээлин эске алууга тийиш.
