Мария Захарова кырдаалды комментарийлеп, ОМС келишиминин нормаларын түшүндүрүү жөнүндө сөз болуп жатканын белгиледи.
Брифингде Россиянын ТИМинин расмий өкүлү Мария Захарова Кыргызстан Россия Федерациясына каршы ЕАЭБ сотуна медициналык камсыздандыруу боюнча арыз берди деген имиштерди четке какты.
«Кээ бир массалык маалымат каражаттары Кыргызстан арыз берди деп жазышты. Бул чындыкка дал келбейт. Кыргыз тарап да бул маалыматты тез арада тастыктады», — деди ал.
Анын айтымында, талкуу медициналык камсыздандыруунун нормаларын түшүндүрүүгө гана байланыштуу болуп, бул нормалар Кыргызстандык мигранттарга Россияда медициналык жардам алууга мүмкүнчүлүк берет.
Мурдараак маалымат каражаттарында Кыргызстан Россияга каршы Россиянын аймагында акысыз медициналык кызмат көрсөтүүдөн баш тартканы үчүн сотко арыз бергендиги тууралуу маалымат чыккан.
Фото www
