Ал белгиледи: «Биз сүйлөшүү процессин баштадык. Мен бул өз ара пайда алып келүүчү келишим болот деп үмүттөнөм. Улуттук коопсуздук жагынан бул өтө маанилүү. Биз келишимге жетебиз деп ишенем», — деди Трамп журналисттер менен болгон маегинде.
Анын айтымында, келишимдин шарттары «практикалык жактан макулдашылган».
Мындан тышкары, Трамп Иран Вашингтон менен ядролук программа боюнча сүйлөшүүлөрдү жүргүзүп жатканын белгиледи.
«Биз кабыл алынуучу келишимге жетише алабыз: ядролук куралсыз. Алар муну жасашы керек, бирок мен бул болорунан күмөндөмүн. Бирок алар биз менен чын жүрөктөн сүйлөшүп жатышат», — деп кошумчалады ал.
Ошондой эле Дональд Трамп Индия Иран мунайын сатып алуунун ордуна Венесуэла мунайын сатып алууга макул болгонун билдирди, ал эми Америка Кошмо Штаттары Кытайга бул сатып алууга кошулууну сунуш кылууда. Ошол эле учурда Каракастын мунай кирешелеринин үлүшү боюнча талкуу азырынча болгон жок.
