2026-жылы ОДКБ өзүнүн Коллективдик күчтөрүнүн согуштук потенциалын күчөтүүгө көңүл бурат, аларды жаңы заманбап чалгындоо системалары, радиоэлектрондук күрөш каражаттары жана учкучсуз аппараттар менен куралдайт. ОДКБнын Башкы катчысы Таалатбек Масадыков "Союзники. ОДКБ" басылмасына берген интервьюсунда согуштук даярдык боюнча пландарын бөлүштү.
Уюмдун батыш чек арасындагы машыгууларга чоң көңүл бурулат.
“Быйылкы жылдын октябрь айында Беларус Республикасында "Бузулгус братство – 2026" аталышындагы Текшерүү штабдык машыгуусу өтөт. Ошондой эле биз биологиялык коркунучтарды алдын алуу боюнча аракеттерди координациялайбыз. Ошол эле айда Беларусияда "Барьер-2026" атайын машыгуусу өтөт, ал коллективдик тынчтык күчтөрүнүн кызыкчылыгында биологиялык коркунучтарды жоюуга багытталган”, - деп белгиледи Масадыков.
Мындан тышкары, Масадыков традициялык форматта "Взаимодействие", "Поиск", "Эшелон" жана "Рубеж" аталышындагы биргелешкен аскердик машыгуулар өтөт деп кошумчалады.
