Песков деталдарына киришкен жок, "жария талкуу жүргүзүү сүйлөшүүлөрдүн жүрүшүнө терс таасир этиши мүмкүн" деп баса белгиледи, деп маалымдайт РИА Новости.
Мурда Украина президенти Владимир Зеленский 1-февралга пландалган жолугушуу тууралуу айтып өткөн. 26-январда болгон кечки кайрылуусунда ал: "Биз жекшемби күнү командалардын жолугушуусун алдын ала талкуулаганбыз. Бул процессти тездетүүгө жетишсек, абдан жакшы болмок. Украина бардык негизги маселелерди талкуулоого жана макулдашууга даяр" деди.
Украина, Россия жана АКШ катышкан үч тараптуу сүйлөшүүлөрдүн биринчи раунду Абу-Дабиде 23 жана 24-январда өттү. Бардык тараптар жолугушууну позитивдүү жана конструктивдүү деп баалашты.
