Россиянын өкмөтү эмгек мигранттарын текшерүүдө оорулардын тизмесин кеңейтет » Gazeta.kg

Россия өкмөтү эмгек мигранттары текшерүүдөн өтүүчү инфекциялык оорулардын тизмесин кеңейтүү чечимин кабыл алды. Госдуманын вице-спикери Ирина Яровая бул сунуш премьер-министр Михаил Мишустин жана министрлер кабинетинин мүчөлөрү «Бирдиктүү Россия» фракциясынын депутаттары менен болгон жолугушууда колдоого алынганын билдирди.

«Биз өкмөт инфекциялык оорулардын тизмесин кеңейтүүчү зарыл мыйзамга ылайык актыларды иштеп чыгат деген келишимге келдик, Россияда иштегиси келген чет элдиктер милдеттүү медициналык текшерүүдөн өтөт», — деп кошумчалады Ирина Яровая.