Комитеттин мүчөлөрү Россиядагы эмгек мигранттарын колдоо боюнча жүргүзүлгөн иштер, атап айтканда, медициналык жардам алуу үчүн полис берүү тууралуу суроолорду беришти.
Мукановдун айтымында, эмгек мигранттары боюнча келишим ЕАЭБдин беш мамлекетинин ортосунда иштейт.
«Анткен менен, россиялык тарап учурда бул келишимдин 96-97-беренелерин бузуп, эмгек мигранттарынын үй-бүлө мүчөлөрүнө мажбурлап медициналык камсыздандырууну берүүдөн баш тартууда. Кыргызстан ЕАЭБдин сотуна арыз берди, азыр ал каралууда, чечим эки жума ичинде күтүлүүдө. Бул маселе Россиянын вице-премьер-министри Алексей Оверчуктун Кыргызстанга болгон сапары учурунда да көтөрүлгөн», — деп кошумчалады ал.
