Сунушталган документке ылайык, 65-беренеге үгүт ишмердүүлүгүнө тоскоолдук кылгандыгы үчүн айыппулдарды аныктаган нормалар кошулат. Жеке адамдарга 10 миң сом өлчөмүндө айыппул салынат, ал эми турак жай ээлеринин кооперативдеринин жетекчилерине, квартал комитеттерине жана башкаруучу компанияларга 20 миң сом өлчөмүндө айыппул салынат.
Мыйзам долбоорунун түшүндүрмө жазуусунда айрым үй комитеттери жана ТСЖ төрагалары өз ыйгарым укуктарын кыянаттык менен колдонуп, жашоочуларга жана ишкерлерге басым жасоосу мүмкүн экени белгиленет. Айрыкча, алар үгүт материалдарын жайгаштырууга тыюу салуу же талапкерлер үчүн теңсиз шарттарды түзүү менен алектениши мүмкүн. Ошондой эле, тоскоолдуктар жарандар тарабынан да келип чыгышы мүмкүн — жолугушууларды бузуу, провокациялар түзүү жана үгүтчүлөргө басым көрсөтүү түрүндө.
Бул мыйзам долбоорунун максаты — административдик ресурсту кыянаттык менен пайдаланууну алдын алуу жана шайлоо процессинин бардык катышуучулары үчүн тең шарттарды камсыздоо.
