Казакстан Кыргызстан менен чектеги КППнын иш режимин өзгөрттү

Казакстанда Мажилис депутаттары 2003-жылдын 25-декабрында кол коюлган Казакстан менен Кыргызстан ортосундагы чек ара өткөрүү пункттары жөнүндө келишимге өзгөртүүлөрдү киргизген протоколду жактырышты. Бул тууралуу Tengrinews маалымдайт.

Транспорт министри Нурлан Сауранбаевдин айтымында, документте "Кеген - Каркара" авто өткөрүү пункту 24 саат бою иштейт деп каралган. Бул өзгөртүү өткөрүү мүмкүнчүлүгүн жогорулатат жана саякатчылар үчүн ыңгайлуу шарттарды түзөт, ошондой эле туристтик сектордун өнүгүшүнө көмөктөшөт.

Министр ошондой эле 2025-жылы чек арадан 11 миллион адам жана 3 миллион транспорт каражаты өткөнүн белгиледи.

Маалымат үчүн Казакстан менен Кыргызстан ортосунда 11 авто өткөрүү пункту иштейт, алардын жети көп тараптуу эл аралык. Төрт эки тараптуу өткөрүү пункту - Алатау, Бесагаш, Жайыл жана Камышановка - 2010-жылы жабылган. Казакстандын транспорт министрлигинде сунушталган өзгөртүүлөр эки өлкө ортосундагы транспорттук-транзиттик байланыштарды жакшыртууга жардам берет деп ишенишет. {lang_tg} {lang_share_buttons}