Жаңы чечимдерге ылайык, саламаттык сактоо министрлигинин борбордук аппараты, санитардык-эпидемиологиялык көзөмөл департаменти, саламаттык сактоону жана медициналык технологияларды өнүктүрүү борбору жана милдеттүү медициналык камсыздандыруу фонду сыяктуу ар кандай структуралардын штаттык бирдиктери такталды. Бул өзгөртүүлөр министрликтин борбордук жана регионалдык бөлүмдөрүн камтыйт.
Мындан тышкары, документке төлөмдөрдүн тартиби боюнча өзгөртүүлөр киргизилди. Айрым кошумча төлөмдөр жана үстөмдүктөр колдонулбай турган кызматкерлердин тизмеси такталды. Постановлениеге тиркемелердин жаңы редакцияларын киргизүүнүн максаты төлөмдөрдү эсептөө эрежелерин бирдейлештирүү жана нормаларды кайталоону жоюу болуп саналат.
Саламаттык сактоо министрлигине ошондой эле «Тундук» ААК менен кызматташтыкта медициналык статистикалык отчеттуулукту санариптештирүү жана маалыматтык системаларды киргизүү боюнча тапшырма берилди. Бул документтин аткарылышын президенттин администрациясы көзөмөлдөйт.
Постановление кол коюлган күндөн тартып он күндөн кийин күчүнө кирет.
