Тышкы иштер министри Владимир Соловьевдун талаштуу билдирүүсүнө комментарий берди

Кулубаевдин айтымында, кыргыз тарап медиага чыккан провокациялык билдирүүлөргө көңүл бурууну максатка ылайык эмес деп эсептейт жана алар реалдуу мамлекеттик маселелерге тиешеси жок.

Министр Россия Федерациясы Кыргызстан үчүн стратегиялык өнөктөш жана союздаш экенин белгиледи. Мамлекеттер ортосундагы кызматташтык эки тараптуу негизде, ошондой эле эл аралык жана регионалдык уюмдардын алкагында, анын ичинде Жамааттык коопсуздук боюнча келишим уюму, Шанхай кызматташтык уюму жана ТМД менен жүргүзүлөт. Бул форматтар өз ара урматтоо жана кызыкчылыктарды эске алуу негизинде туруктуу саясий диалогду өнүктүрүүгө көмөктөшөт.