Депутат «Куликов» компаниясынын гос тили боюнча позициясын туура эмес деп эсептейт

Парламент жыйынында Бактыяр Калпаев «Куликов» компаниясынын мамлекеттик тилди колдонуу боюнча позициясына нааразычылыгын билдирди. Ал коомдо бул фирма жана соттук процессти баштаган активист тууралуу абалдын активдүү талкууланып жатканын белгиледи.

Депутаттын айтымында, компанияга мамлекеттик тилде кызмат көрсөтүүнү сурап кайрылган блогер, алты айдан бери үй камагында. «Граждандардын мамлекеттик тилде кызмат алууга болгон талабын бузуу кылмыш болуп эсептелеби?» — деп сурады нардеп.

Бул боюнча, Башкы прокуратуранын өкүлү Умуткан Конкубаева кылмыштын курамынын бар-жогун аныктоо үчүн тиешелүү документтерди изилдөө керектигин айтты.

Калпаев компания мамлекеттик тилди өнүктүрүүгө багытталган мыйзамдарды эске алууга тийиш экенин баса белгиледи. «Президент БУУ трибунасында мамлекеттик тилде сүйлөйт, ал эми ГКНБнын башчысы инвесторлорду кыргыз тилин колдонууга чакырат. Менимче, компания биздин өлкөгө жана анын тилине урмат көрсөтүп, анын өнүгүшүнө активдүү түрдө көмөктөшүшү керек», — деп кошумчалады ал.