Кыргызстандын жана Өзбекстандын тышкы иштер министрлери телефон аркылуу сүйлөшүп, эки тараптуу мамилелердин маанилүү маселелерин талкуулашты. Негизги көңүл эл аралык транспорттук коридорлорду иштеп чыгууга жана биргелешкен бажы пункттарындагы өткөрүү жөндөмүн жогорулатууга бурулду, деп билдирет тышкы саясат ведомствосунун басма сөз кызматы.
Тараптар жүк транзитинин үзгүлтүксүз болушун камсыз кылуу үчүн тиешелүү ведомстволор ортосундагы координацияны активдештирүүнүн зарылдыгын белгилешти, ошондой эле региондогу соода жана логистика үчүн шарттарды жакшыртуу маселелерин талкуулашты. Эки мамлекет ортосундагы транспорттук маршруттарды оптимизациялоого багытталган чаралар талкуунун маанилүү пункту болду.
Сүйлөшүүнүн учурунда министрлер 2026-жылга пландалган жогорку деңгээлдеги жолугушууларга даярдык маселелерин да талкуулашты. Алар мындай лидерлердин жолугушуулары Кыргызстан менен Өзбекстандын стратегиялык өнөктөштүгүн бекемдөодо маанилүү роль ойнорун белгилешти.
Сүйлөшүүнүн жыйынтыгы боюнча тышкы саясат ведомстволорунун башчылары эки тараптуу мамилелерге байланыштуу бардык маселелер боюнча активдүү саясий диалогду жана практикалык кызматташтыкты улантууга даяр экендиктерин билдиришти.
