Кайталанма шайлоого № 13 округ боюнча төрт жаран арыз беришти

Централдык шайлоо комиссиясына Жалал-Абад облусундагы № 13 аймактык округ боюнча Жогорку Кеңештин депутаттарын шайлоого катышууга умтулган төрт жарандан арыздар келип түштү. Бул тууралуу 24.kg маалымдайт.

Кандидаттардын арасында 61 жаштагы Акылбек Арстанбеков, 54 жаштагы Эркинбек Маматаев, 56 жаштагы Уланбек Асанов жана 60 жаштагы Бактыбек Асамудинов бар.

Комиссиянын маалыматы боюнча, шайлоого катышуучулардын арыздарын кабыл алуу 28-январда саат 18:00дө аяктайт.

Бул округда кайра шайлоо 1-мартка белгиленген, ал эми агитациялык кампания 9-февралда башталып, 28-февралга чейин уланат.

Шайлоону уюштурууга республикалык бюджеттен 18,5 миллион сом бөлүнөт.

Эскерте кетсек, Жогорку Кеңешке эрте шайлоо 2025-жылдын 30-ноябрында өткөрүлгөн, бирок мыйзам бузулууларына байланыштуу бул округда Центральдык шайлоо комиссиясы добуш берүүнүн жыйынтыктарын 3-декабрда жараксыз деп тапкан. 35 шайлоо участогунда добуш берүү процессин көзөмөлдөө үчүн камералар орнотулгандыгы аныкталды, ал эми агитаторлор шайлоочулардын добуш берүүсүн байкап турушкан.