Владимир Путин СНГ өлкөлөрүндө алименттерди өндүрүү боюнча мыйзамдарды Госдумага жөнөттү

Россия Федерациясынын президенти Владимир Путин Мамлекеттик Думага ТМД өлкөлөрүндө алименттерди өндүрүү маселелерине арналган протоколдорду ратификациялоого багытталган мыйзам долбоорлорун сунуштады. Бул документтер азыркы учурда Мамлекеттик Думанын электрондук маалымат базасында жеткиликтүү.

Россиянын атынан 2025-жылдын 13-майында кол коюлган протоколдор 1993-жылдын 22-январында жана 2002-жылдын 7-октябрында кабыл алынган жарандык, үй-бүлөлүк жана кылмыш иштериндеги укуктук жардам жана укуктук мамилелер боюнча конвенцияларды өзгөртүүгө байланыштуу. Кошулган өзгөртүүлөр алименттерди өндүрүү боюнча сот чечимдерин мажбурлап аткарууга мүмкүнчүлүк берет.