Иссык-Куль облусундагы Эшперов айылында жайгашкан №7 балдар бакчасынын директору Аида Жаныбаева «ТМДнын мыкты мугалими» эл аралык конкурсуна жеңишке жетти. Бул тууралуу Билим берүү министрлигинин басма сөз кызматы билдирди.
Ведомствонун маалыматы боюнча, конкурс 7-февралда башталган жана биринчи этаптан ийгиликтүү өткөндөн кийин Аида Жаныбаева финалга чыккан. Жыйынтыктоочу сынактар 24-мартта Астанада өтүп, кыргызстандыкка I даражадагы диплом, эмблема жана «ТМДнын мыкты мугалими» статуэткасы тапшырылган.
