Бул демилгени ишке ашыруу үчүн 146 миң сом бөлүнүп, натыйжада китепкана 280 жаңы экземпляр менен толукталды. «Бүгүнтөн баштап биздин окурмандар жаңы келген китептер менен таанышууга мүмкүнчүлүк алышат. Алардын көбү — биздин коноктордун каалоолорун эске алып тандалган көркөм адабият. Биз бардык китеп сүйүүчүлөрүн китепканага келип, билимдерин кеңейтүүгө чакырабыз», - деди Келдибаева.
Учурда Ак-Суй райондук Чынгыз Айтматов атындагы китепкананын жалпы китеп фонду 45 807 китепти түзөт. Фонддун жаңыланышы жаштар арасында окууга болгон кызыгууну жандандырууга жана региондогу адабий салттарды колдоого багытталган.
