Баткен облусунда Билим берүү министрлиги эки күндүк жумушчу сапар өткөрүүдө.
Министр Догдуркүл Кендирбаева баштаган топко, ошондой эле санариптик өнүктүрүү боюнча министрдин орун басары жана министрликтин ар кандай структуралык бөлүмдөрүнүн жетекчилери кирет.
3-мартта делегациянын мүчөлөрү Раззаковдогу № 48 кесиптик лицейдин иши менен таанышып, окуу жайдын жамааты менен суроо-жооп форматында ачык жыйын өткөрүштү.
Мындан тышкары, Лейлек районунда "Ак шоола" жаңы балдар бакчасы зыярат кылынды, анда анын ишин жакшыртуу боюнча сунуштар талкууланды.
Сапардын экинчи күнү, 4-мартта Баткен районунун жана Баткен шаарынын мектеп директорлору менен жолугушуу болду.
Талкуу учурунда министрлик тарабынан иштелип чыккан санариптик платформаларды киргизүү, окуу китептери менен камсыздоо, мугалимдердин квалификациясын жогорулатуу жана предметтик стандарттарды ишке ашыруу маселелери каралды.
