Министрликтин маалымат кызматынын маалыматы боюнча, күн тартибинде Бишкектеги 20 жаңы мектептин техникалык абалы жана курулуш сапаты, ошондой эле иштердин аткаруу ылдамдыгы боюнча маселелер каралды.
Проекттерди ишке ашыруунун маанилүү аспекттери, анын ичинде курулуш материалдары менен камсыздоо, жумушчу күчүн уюштуруу, коопсуздук чараларын сактоо, каржылоо жана бекитилген график боюнча иштерди аткаруу талкууланды. Подряддык уюмдарга мүмкүн болгон кечиктирүүлөрдү алдын алуу боюнча көрсөтмөлөр берилди.
Быйыл президенттин көрсөтмөсү боюнча республикалык бюджеттин эсебинен Бишкекте 20 мектептин курулушу башталды:
- Октябрь районунда 6 мектеп;
- Ленин районунда 6 мектеп;
- Первомай районунда 5 мектеп;
- Свердлов районунда 3 мектеп.
