Депутат Медер Чотонов бул долбоор «Баатыр эне» ордени менен сыйланган энелердин эмгегин таануу, билимге тең мүмкүнчүлүктү камсыздоо, үй-бүлөнү жана балалыкты колдоо, үй-бүлө институтун бекемдөө жана демографиялык өнүгүүгө көмөктөшүү максатында иштелип чыкканын белгиледи.
Долбоордун алкагында «Баатыр эне» орденине ээ энелердин балдары биринчи жогорку билим алууда контракттык негизде билим алуу акысынын 50% өлчөмүндө мамлекеттик билим берүү жеңилдиктерин ала алышат.
Бул жобонун демилгечилери арасында депутаттар: Медер Чотонов, Исманали Жороев, Бахридин Шабазов, Нуржамал Торобекова, Жылдыз Эгенбердиева, Гүлнара Баатырова, Эдита Тайгараева жана Болот Сагынаев бар.
