Орун басар жалпы бала бакчалардын ичинен 490ы жеке менчик экенин белгиледи. 2024-жылга салыштырганда, бала бакчалардын саны 347ге көбөйдү.
Республика аймагында 560 кыска мөөнөттүү бала бакча жана 60 өнүктүрүү борбору түзүлүп, алар 32 200 баланы тейлеп жатат. Маанилүү жаңылык катары balalyk.edu.gov.kg платформасы аркылуу мектепке чейинки мекемелер үчүн ваучерлерди берүү боюнча автоматташтырылган системанын киргизилиши болду. Бул колдоо программасы аз кирешелүү үй-бүлөлөргө жана мүмкүнчүлүгү чектелген балдарга ай сайын 2000ден 4560 сомго чейин компенсация алууга мүмкүндүк берет.
Ата-энелер жана мыйзамдуу өкүлдөр 1236 ваучер алуу боюнча арыз беришти. Алардын ичинен 572си Социалдык маселелер боюнча комиссия тарабынан каралды. Натижада 477 бала ваучер статусун алып, азыркы учурда жеке бала бакчаларга барышат, бул жалпы арыздардын 47,7% түзөт. «Балалык» системасында 258 жеке мектепке чейинки билим берүү мекемеси ваучер алууга укуктуу болуп катталган.
Ошондой эле автоматташтырылган «Балалык» платформасында өлкөдөгү бардык бала бакчалардын бирдиктүү реестри түзүлдү, алардын менчик формасына карабастан.
Мындан тышкары, 2025-жылы мурда мыйзамсыз приватизацияланган 25 бала бакчанын имараты өзүнүн баштапкы максатына кайтарылды.
