Өкмөттүн басма сөз кызматынын маалыматына ылайык, эки он жылдыкта 300дөн ашык кыргызстандык Рицумейкан, Мэйдзи, Цукуба, Хиросима жана Япониянын эл аралык университети сыяктуу престиждүү япон университеттеринде билим алышты. Окуу мамлекеттик башкаруу, экономикалык саясат, маалыматтык технологиялар жана эл аралык мамилелер сыяктуу кеңири адистиктерди камтыды. Бүтүрүүчүлөр азыр мамлекеттик структураларда, эл аралык уюмдарда жана илим тармагында жооптуу кызматтарда ийгиликтүү иштеп жатышат.
Касымалиев программаны улантуунун маанилүүлүгүн белгилеп, Кыргызстан Япониянын экономикалык тажрыйбасынан дем алып жатканын айтты. Ал ошондой эле, болжолдорго ылайык, республикадагы ИДП 2025-жылы 11,1% га өсөт, ал эми акыркы төрт жылдагы орто жылдык реалдуу өсүш 10,2% ды түзгөнүн маалымдады. «Биз «Кар барысынын секири» деп атаган экономикалык прорывка жетишүүгө умтулабыз», - деп кошумчалады ал.
Мындан тышкары, өкмөт башчы Кыргызстан Япониянын мамлекеттик пландоону жана бизнес кызыкчылыктарын айкалыштырган ыкмасын кабыл алууга ниеттенерин белгиледи. Ал Япониянын элчилигине, ошондой эле JICA жана JICE уюмдарына программаны үзгүлтүксүз колдогондугу үчүн ыраазычылык билдирди.
