Министрлер Кабинетинин маалымат кызматынын маалыматына ылайык, бул транспорт каражаттары 44 миллион 800 миң сомго сатып алынган. Сатып алуунун максаты — Академиянын илимий мекемелеринин материалдык-техникалык базасын күчөтүү, археологиялык, геологиялык, геофизикалык, биологиялык жана башка талаа изилдөөлөрдү жүргүзүү.
Унааларды тапшыруу аземинде Байсалов, Академияга мамлекет тарабынан туруктуу колдоо көрсөтүлүп жатканын белгиледи: институттун имараты толугу менен жаңыланган, ал эми кызматкерлердин айлыгы эки эсе көбөйтүлгөн. Ал жаңы унаалар илимий изилдөөлөрдү жана экспедицияларды өлкөнүн алыскы жана жеткиликтүү эмес райондорунда жүргүзүүгө жардам берерин, ошондой эле мамлекеттик илимий жана илимий-техникалык милдеттерди аткарууга мүмкүндүк берерин айтты.
Байсалов ошондой эле мамлекет илимий тармакты өнүктүрүүгө көңүл бура берерин, анын алдында маанилүү стратегиялык милдеттер турганын белгиледи. Илимий коомчулуктан инновациялык чечимдер жана өлкөнүн экономикалык өсүшүнө реалдуу салым күтүлүүдө.
