Сөзүндө Касымалиев мамлекеттик саясаттын негизги багыттарынын бири билим берүүнүн сапатын жакшыртуу жана окуу үчүн зарыл шарттарды түзүү экенин белгиледи.
«Билим - биздин элдин негизги байлыгы. Заманауи дүйнөдө ийгилик күчтөн эмес, билимден көз каранды. Биз жарандарга дүйнөлүк стандарттарга ылайык келген сапаттуу билим жана тарбия алуу мүмкүнчүлүгүн камсыз кылууга умтулабыз жана билим берүү тармагын өнүктүрүүнү улантуудабыз. Мамлекетте балдарга көбүрөөк көңүл бурулууда, жаңы заманбап мектептер курулуп, ачылууда», - деди ал.
