Бул маалыматты Ош шаарынын билим берүү башкармалыгынын начальниги Тынчтыкбек Досмуратов тастыктады.
Ал эски мектептин имараты толугу менен бузулуп, анын ордуна заманбап билим берүү мекемеси курула турганын түшүндүрдү.
«Биз ата-энелер менен түшүндүрүү иштерин жүргүздүк. Тилекке каршы, башка мектептерде окуучуларды жайгаштырууга мүмкүнчүлүгүбүз болгон жок, ошондуктан убактылуу дистанциялык окутууга өттүк», - деп кошумчалады ал.
Облус боюнча капиталдык курулуш башкармалыгынын начальниги Дамир Калыкбердиев жаңы мектеп үч кабаттуу болуп, 1000 окуучуну кабыл ала турганын билдирди.
«Азыркы учурда эски имаратты бузуу иштери башталды. Биз курулуш компанияларынын бирөө менен биргеликте иштеп жатабыз. Проекттик-сметалык документацияны тактоо жүрүп жатат. Каржылоо республикалык бюджеттин эсебинен камсыздалат. Эгер баары пландагыдай болсо, жаңы мектеп ушул окуу жылында эшигин ачат», - деп белгиледи Калыкбердиев.
