Ачылыш салтанаты жаңы актовый залда кызыл лентаны кесүү менен башталды. Анда университеттин ректору, экономика илимдеринин доктору жана профессор Абдилбает Мамасыдыков, ошондой эле факультеттин деканы, физика-математика илимдеринин кандидаты, профессор Жумагүл Жээнтаева, студенттик коомчулук менен бирге болушту.
Иш-чаранын расмий бөлүгүндө ректор бардык катышуучуларды окуу шарттарынын жаңыланышы менен куттуктап, фестивалдын маанилүүлүгүн белгиледи. Ал студенттерди активдүү окууга жана заманбап талаптарга ылайык профессионалдык өнүгүүгө умтулууга чакырды.
Андан кийин сөз сүйлөгөн декан Жумагүл Жээнтаева, мындай иш-чаралар жаштар жана аялдар үчүн социалдык-экономикалык чөйрөдө мүмкүнчүлүктөрдү кеңейтүүгө жардам берерин, бул учурда актуалдуу экенин белгиледи.
Фестивалдын алкагында ар кандай темаларды камтыган конок лекциялары өттү, анын ичинде:
– «Open Osh» креативдүү цифралык платформасын сунуштоо;
– жаштардын туруктуу өнүгүү жана экологиялык туризмдеги ролун талкуулоо;
– кыргыз улуттук мурасын колдонуу менен экологиялык багыттагы кийимдер жана аксессуарларды түзүү.
«Дизайн» адистиги боюнча окуп жаткан студенттер «Селен стиль» коллекциясы менен модалык көргөзмөдө өз иштерин сунушташты. Ошондой эле кол өнөрчүлүк буюмдарынын ярмаркасы жана «куртак» техникасы менен брошка жасоо боюнча мастер-класстар өткөрүлдү.
Фестиваль студенттер жана коноктор үчүн маанилүү платформага айланып, инновациялык долбоорлор, этнодизайн жана традициялык кол өнөрчүлүктөр менен таанышууга мүмкүнчүлүк берип, жаштардын чыгармачылык демилгелерин колдоду.
