Ал үч айдан бери англис тили курстарына активдүү катышып жатат.
«Мугалимдер анын максаттуу жана аракетчил окуучу экенин, окууга кызыгуусу бар экенин белгилешти. Алар аны эл аралык олимпиадага катышууга шыктандырышты, бул аны абдан кызыктырды», — дейт энеси.
Олимпиада 31-январдан 1-февралга чейин Бишкектеги университеттердин биринде өттү, анда күчтүү окуучулар чогулушту. Республика боюнча жалпысынан 600дөй адам катышты. Эки күндүн ичинде Бакмурат 2-орунду ээлеп, бул ага күмүш медаль жана Лондон же Абу-Даби шаарында олимпиадага катышуу сертификатын камсыз кылды.
Бакмурат экинчи орунга нааразы болгон жок. Ал: «Бул мен үчүн келечектеги ийгиликтерим үчүн мотивация болот, мага дагы да катуу окуу керек», — деди.
Келечекте Бакмурат англис тилин кесиптик деңгээлде үйрөнүп, саякаттоону жана маркум Чубак Ажыдай адамдарды диндин негиздерине үйрөтүүнү, теолог болууну кыялданат.
«Бул кыялды ишке ашыруу үчүн уулубуз катуу эмгектениши керек. Биз анын атасы экөөбүз ага бул жагынан жардам берүүгө аракет кылабыз. Анын каалоолорунун ишке ашарына ишенебиз, ал биздин элге пайдалуу болот», — деп баса белгиледи Ж. Козубекова.
