Ош шаарындагы Күлгөн бия көчөсүндө балдар бакчасын жаңылоо иштери аяктады, деп билдирди капиталдык курулуш менен алектенген мэриянын басма сөз кызматы.
Мурда маалымдалгандай, №18 балдар бакчасы 32 жыл мурун жабылган. Текшерүү учурунда 1998-жылы объект мыйзам бузуу менен жеке менчикке өткөрүлгөнү аныкталды.
8-январда шаар мэри балдар бакчасына барып, капиталдык ремонттун жүрүшү менен таанышып чыкты. «Бул мамлекеттик балдар бакчасы болуп, 30–40 жыл бою колдон-колго өтүп, жеке менчикте болгон. Бул жерде университет, мектеп, балдар бакчасы жана даже казарма жайгашкан. Биз сотко кайрылып, ишти утуп, азыр өз каражаттарыбыз менен капиталдык ремонтту жүргүзүп жатабыз. Бул 280 орунга ылайыкташкан балдар бакчасы», - деди муниципалитеттин башчысы.
Ал ошондой эле Кокум-Бий көчөсүнөн Кенеш айылына чейин балдар бакчалары жок экенин, ата-энелердин балдарын шаар борборунда жайгашкан мекемелерге алып барууга мажбур экенин белгиледи.
