Министрликтин басма сөз кызматынын маалыматына ылайык, жолугушууда илим, жогорку билим берүү жана инновациялар тармагындагы эки тараптуу кызматташтыктын абалы жана келечектеги багыттары талкууланды. Ошондой эле 2026-жылы биргелешкен иш-чараларды өткөрүү пландары, академиялык мобилдүүлүктү өнүктүрүү жана университеттер арасындагы байланыштарды бекемдөө маселелери каралды.
Талкуунун маанилүү аспектиси Венгрия тараптан сунушталган Stipendium Hungaricum стипендиялык программасы болду. Бул программа Кыргызстан жарандарына Венгриянын белгилүү университеттеринде жыл сайын билим алууга мүмкүнчүлүк берет.
Жолугушуунун жыйынтыгы боюнча тараптар стратегиялык өнөктөштүктү тереңдетүүгө, билим берүү алмашууларын кеңейтүүгө жана илимий-техникалык кызматташтыкты өнүктүрүүгө ниеттеништи, биргелешкен иштин негизги багыттарын аныктап, кийинки өз ара аракеттенүү боюнча макулдашышты, деп белгилешти Миннаукада.
