Министрликтин маалымат кызматынын билдирүүсүнө ылайык, жолугушууда Кыргызстан менен Кытайдын илим, жогорку билим берүү жана инновациялык технологиялар тармагындагы эки тараптуу кызматташтыктын актуалдуу маселелери жана келечеги талкууланды.
Исаматова академиялык жана илимий чөйрөдөгү кызматташтыкты кеңейтүүнүн, биргелешкен билим берүү программаларын жана илимий изилдөөлөрдү ишке ашыруунун, ошондой эле инновациялык багыттарды өнүктүрүүнүн маанилүүлүгүн белгиледи.
Өз тараптан, элчи Лю Цзянпин Кытайдын өнөктөштүк байланыштарды бекемдөөгө, тажрыйба алмашууга жана адамдык капиталды жана илимий-технологиялык потенциалды өнүктүрүүгө багытталган инициативаларды колдоого даяр экенин билдирди.
