Конкурс эки этапта өттү, ал «Кыргыз тили» (1–12-класстар), «География» жана «Тарых» (7–12-класстар) предметтерин камтыды.
Биринчи этапта түзүлгөн комиссия катышуучулардын резюмелерин, алардын кесиптик тажрыйбасын, ошондой эле илимий-методикалык иштерин жана жалпы компетенттүүлүгүн талдады.
Экинчи этапта талапкерлер тарабынан тапшырмага ылайык иштелип чыккан долбоорлорду коргоо өткөрүлдү, ал оффлайн жана онлайн форматтарда жүргүзүлдү.
Конкурстун жыйынтыгы төмөнкүдөй:
- «География» предмети боюнча 10 арыз берилди, анын ичинен 10 автор тандалды;
- «Тарых» предмети боюнча 16 арыз келип түштү, 8 автор тандалды;
- «Кыргыз тили» предмети боюнча 24 арыз берилди, 5 автор тандалды.
Жыйынтыктарга ылайык, «Кыргыз тили» предмети боюнча кошумча авторлорду тартуу зарылдыгы белгиленди.
Авторлорду жана окуу китептеринин иштеп чыгуучуларын тандоо боюнча конкурс 2025-жылдын 10-октябрында жарыяланды.
