27-январда өткөн Жогорку Кеңештин финансылар, бюджет, ишкердик жана атаандаштыкты өнүктүрүү боюнча комитетинин жыйынында Мамлекеттик антимонополь жөнгө салуу агенттигинин директору Женалы Орозбаев Жусуп Абдрахманов атындагы университетке аталган сумманы студенттерге кайтаруу тапшырылганын билдирди.
Университеттин маалыматына ылайык, бул тапшырма 2020-жылдан 2024-жылга чейин Академияда билим алган бакалаврдын бүтүрүүчүлөрүнө тиешелүү.
Академиянын өкүлдөрү белгилешти, аталган мезгил ичинде студенттерден билим берүүнүн сапаты боюнча эч кандай арыз же нааразычылык түшпөгөн. Университет окуу процессинин алкагында өз милдеттерин толук аткарып, билимди ийгиликтүү аяктаган бардык студенттер мамлекеттик үлгүдөгү дипломдорду алышты.
Ошондой эле Академия 2014-жылдан бери бакалавриат үчүн контракттык билим берүүнүн баасы жылына 46 000 сом деңгээлинде кала берерин жана өзгөрбөй турганын баса белгиледи. Бул 2025-жылы бакалавриатка студенттерди кабыл алууну токтотуу чечими менен байланыштуу. Академия социалдык жоопкерчилик принциптерин карманып, калган студенттер үчүн билим берүүнүн баасын жогорулатууну пландаштырбайт.
