Кыргыз Республикасынын Билим берүү министрлиги баштапкы кесиптик билим берүү мекемелеринин жетекчилери үчүн бош орундарды ээлөө боюнча ачык конкурс башталганын жарыялады.
Ведомстводон берилген маалыматка ылайык, талапкерлерге төмөнкү талаптар коюлат:
1) жогорку билимдин болушу;
2) билим берүү тармагында же тиешелүү чөйрөдө беш жылдан кем эмес иш тажрыйбасы;
3) Кыргыз Республикасынын жарандыгы.
Конкурска катышуу үчүн төмөнкү документтер топтомун сунуштоо керек:
Жеке арыз;Паспорттун көчүрмөсү;Кадрларды эсепке алуу боюнча толтурулган жеке баракча (жашаган дарек жана байланыш телефондорун көрсөткөн);Резюме (электрондук почтаны көрсөткөн), ошондой эле автобиография (соттолгондугу тууралуу маалыматты камтыган);Билим берүү дипломунун көчүрмөсү, белгиленген тартипте бекитилген (иштеген жердеги кадрлар бөлүмү тарабынан);Эмгек китебинин көчүрмөсү, белгиленген тартипте бекитилген (иштеген жердеги);Соттолгондугу тууралуу маалымкат (санарип форматта "Тундук" системасы аркылуу же Кыргыз Республикасынын Ички иштер министрлигинде кагаз түрүндө алууга болот);3х4 өлчөмүндөгү сүрөттөр (2 даана);Окуу жайдын өнүгүү пландары;Тез папка (Иш №).Документтерди кабыл алуу 2026-жылдын 19-январынан башталат.
Бардык керектүү документтердин сканерленген көчүрмөлөрүн [email protected] электрондук дарегине 2026-жылдын 30-январына чейин, саат 18:00гө чейин жөнөтүүгө болот.
Кошумча маалымат алуу үчүн 0312 62 05 09 телефонуна кайрылсаңыз болот.
