Министрликтин маалымат кызматынын маалыматына ылайык, министр Бала-Саруу орто мектебинин авариялык имаратын текшерип, жаңы окуу жайын куруу боюнча сунуш даярдоонун зарылдыгын белгиледи. 1957-жылы негизделген мектеп 220 орунга ылайыкташкан, бирок учурда 397 окуучуну кабыл алууда.
Мындан тышкары, Кендирбаева 20 чакырым алыстыкта жайгашкан үч корпусу бар «Кара-Арча» орто мектебин да аралады.
Министр Семетей айылындагы, Покровка деп аталган, орто жалпы билим берүү мектебинин жана Кенеш айылындагы Исака Отунбаев атындагы мектептин абалы менен таанышып чыкты. Покровка мектебинде 878 окуучу, ал эми Отунбаев мектебинде 180 окуучу билим алууда.
Ошондой эле 1964-жылы курулган Манас орто мектебинин имараты капиталдык оңдоону талап кылып жатканы белгиленди.
Визит учурунда министр мугалимдер менен жолугушуп, жаңы муундагы окуу китептеринин колдонулушу, «Алтын Казык» ноутбуктары менен сабак өткөрүү процессин жана санариптик билим берүү платформаларынын ишин текшерди.
