Ош облусунда табигый ресурстар министри Акыл Токтобаевдин жумушчу сапары болуп өттү. Ал биоалуулукка, табигый парктарды өнүктүрүүгө жана экологиялык коопсуздукту камсыздоого көңүл бурду. Бул тууралуу министрликтин басма сөз кызматынан билдиришти.
Сапар учурунда министр Дүйнөлүк банк тарабынан колдоого алынган долбоорлор менен таанышып, «Кара-Шоро» жана «Кулун-Ата» мамлекеттик табигый парктарында болду. Бул демилгелер экосистемаларды коргоо жана региондун экологиялык потенциалын жакшыртууга багытталган. «Кулун-Ата» паркында министр уникалдуу илимий изилдөөлөр жана сейрек экспонаттар коюлган музейди да көрдү.
Министр табигат коргоо тармагындагы адистердин ишинин маанилүүлүгүн белгилеп, жергиликтүү көйгөйлөрдү тез арада чечүүнү тапшырды.
Ошондой эле, Узген районундагы «Илонг Ош» көмүр байытуучу заводун текшерүүгө өзгөчө көңүл бөлүндү. Министр экологиялык стандарттардын жана коопсуздук нормаларынын катуу сакталуусунун маанилүүлүгүн эске салды.
Андан тышкары, министр Каныбек Апбасов менен биргеликте жергиликтүү тургундардын санитардык шарттарын жана жашоо сапатын жакшыртуу үчүн маанилүү болгон тазалоо курулмаларынын курулушунун жүрүшүн текшерди.
