Экология жана техникалык көзөмөл министрлигинин экологиялык мониторинг департаментинин курамына кирген лабораториялар, эл аралык стандартка ылайык ГОСТ ISO/IEC 17025-2019 боюнча аккредитациядан ийгиликтүү өттү.
Министрликтин маалымат кызматы берген маалыматка ылайык, алар эми ILAC (International Laboratory Accreditation Cooperation) белгисин колдонууга укуктуу, бул жогорку сапатты символдойт жана 70 өлкөдө 43 миңден ашык лабораторияларды бириктирет.
Ведомстводо белгилешкендей, Ош, Баткен жана Жалал-Абадда жайгашкан лабораторияларда жүргүзүлгөн аба, суу жана топурак изилдөөлөрүнүн жыйынтыктары эми эл аралык аренада юридикалык күчкө ээ болуп, ар кандай эл аралык иштерде колдонулушу мүмкүн.
Бул аккредитация колдонулган жабдуулар, анализ ыкмалары жана кызматкерлердин квалификациясы эл аралык стандарттарга жооп берет экенин тастыктап турат.
Бул окуя Кыргызстандагы экологиялык коопсуздук системасын модернизациялоо боюнча стратегиялык планга кирерин белгилеп өтүү керек.
