Анын айтымында, жыл ичинде экологиялык жана техникалык коопсуздук боюнча 5749 мыйзам бузуулар катталган, бул 2024-жылга салыштырмалуу 3033 учурга көп. Мамлекетке келтирилген жалпы зыян 143 миллион 280 миң сомду түздү.
Аныкталган олуттуу мыйзам бузуулар натыйжасында бир катар ишканалардын иши убактылуу токтотулду. Бул уюмдардын катарына кирет:
• атмосфераны булгаган асфальт-бетон жана кирпич заводдору;
• көмүр жана пайдалы казындыларды казып алуу жана кайра иштетүү менен алектенген компаниялар;
• зарыл уруксат документтери жок иштеп жаткан өнөр жай объектилери;
• коопсуздук стандарттарына жооп бербеген аттракциондор;
• мыйзам бузуулар менен иштеген калдыктарды сактоо жайлары жана полигондор.
Бул ишканалардын кээ бирлери мыйзам бузууларды жоюгандан кийин өз ишин кайра жандандыра алышты, бирок буйруктарды аткарбаган ишканаларга ишин токтотуу жана лицензияларды кайтарып алуу боюнча чаралар көрүлүүдө.
