Кыргызгидрометтин маалыматына ылайык, лавина коркунучтуу участкалар төмөнкү автожолдордо орун алат:
- 121-кмден 138-кмге чейин Бишкек—Ош трассасында (Төө-Ашуу ашуусу) жана 198-кмден 265-кмге чейин (Ала-Бел ашуусу, Чычкан капчыгайы);
- 55-кмден 115-кмге чейин Мырза-Аке—Кара-Кулжа—Алайкуу жолунда;
- 45-кмден 112-кмге чейин Ала-Бука—Каныш-Кыя автожолунда (Чапчыма ашуусу);
- 0-кмден 3-кмге чейин Красная Горка—Ак-Таш трассасында;
- 292-кмден 305-кмге чейин Бишкек—Нарын—Торугарт жолунда (Долон ашуусу);
- 201-кмден 205-кмге, 260-кмден 290-кмге жана 326-кмден 249-кмге чейин Балыкчы—Казарман—Жалал-Абад автожолунда (Кок-Арт ашуусу);
- 45-кмден 90-кмге чейин Каракол—Эңилчек трассасында (Чоң-Ашуу ашуусу).
Лавина коркунучтуу участкалардан өтүүдө транспорт каражаттарынын ортосунда 500 метр аралыкты сактоо маанилүү.
