Бул изилдөө «Бирдиктүү ден соолук» (One Health) ыкмасын колдонуу менен жүргүзүлүп, климаттык өзгөрүүлөрдүн мал чарбачылык коомдоруна болгон таасирин талдоого жана негизги коркунуч факторлорун аныктоого багытталган.
Жолугушуунун учурунда катышуучуларга долбоордун биринчи этаптын алдын ала жыйынтыктары сунушталып, маанилүү жыйынтыктар талкууланды жана изилдөөнүн кийинки фазасын даярдоо үчүн эксперттерден сунуштар жыйналды.
Иш-чарага мамлекеттик структуралардын, илимий чөйрөнүн, эл аралык уюмдардын жана адистештирилген мекемелердин өкүлдөрү катышты.
Талкуулардын жыйынтыгында келечектеги изилдөөлөр жана кызматташуу үчүн приоритеттүү багыттарды аныктоо, ошондой эле чечим кабыл алуучулар үчүн сунуштарды даярдоо пландалууда.
