Өз сөзүндө Торобаев азыркы дүйнө бир катар системалык чакырыктарга, анын ичинде климаттык өзгөрүүлөр, суу ресурстарынын жетишсиздиги, азык-түлүк коопсуздугу көйгөйлөрү жана социалдык кыйынчылыктарга туш болуп жатканын белгиледи. Мындай шарттарда туруктуу өнүгүү максаттарына жетүү үчүн тобокелдиктерди башкарууда комплекстүү жана узак мөөнөттүү ыкка өтүү зарыл.
Талкууланган маанилүү маселе климаттын өзгөрүшү менен курчуп кеткен суу ресурстарынын жетишсиздиги болду.
«Кыргыз Республикасы, Борбордук Азиянын дарыяларынын башаттарын түзгөн тоолуу өлкө катары, региондогу суу экосистемаларынын туруктуулугун сактоодо өзгөчө жоопкерчилик алып, эл аралык платформаларда суу коопсуздугу маселелерин туруктуу көтөрүп келет», - деди ал билдирүүсүндө.
