Депутат Айсаракан Абдибаева 2026-жылы күтүлүп жаткан кургакчылыкка көңүл буруп, суу жетишсиздиги шартында суу балансын сактоо үчүн кандай чаралар көрүлөрүн сурады.
Жооп катары Керималиев, чоң көлөмдөгү сууну талап кылбаган өсүмдүктөрдү өстүрүүгө багытталган региондук пландар даярдалганын белгиледи. Ал ошондой эле, өкмөттүн №309 токтому менен бекитилген жерлер үчүн тамчы жана жаан сугарыш сыяктуу экономикалык сугаруу ыкмаларын киргизүү пландары тууралуу айтты.
«15-февралдан кийин Кыргызгидромет жагдайды жакшыраак баалоого мүмкүндүк берүүчү көбүрөөк маалымат берет. Бирок азыр эле жаан-чачындын жетишсиздиги байкалууда, суу сактагычтардагы суу деңгели да төмөн, бул жетишсиздикке алып келиши мүмкүн», - деп кошумчалады ал.
Айсаракан Абдибаева 2025-жылы суу жетишсиздиги болгонун эске салып, андан жабыркаган фермерлерге компенсация төлөнгөн-болбогонун сурады. Керималиев ошол учурда олуттуу жетишсиздик байкалбаганын, фермерлерден Министрликке эч кандай кайрылуулар болгон эмес экенин жана суу айлануусу туруктуу болуп калганын билдирди.
«Мекенчил» тобунун депутаттары тиешелүү мамлекеттик структуралардын жазгы талаа иштерине даярдыгын талкуулашууда.
