Анын айтымында, көмүрдү күйгүзүү түтүндүн негизги булактарынын бири болуп саналат. Бул процесс углерод оксиди жана мышьяк сыяктуу кооптуу заттарды бөлүп чыгарат, алар ден соолукка терс таасир этет. Бул жагдайга байланыштуу Монголияда жана бир нече башка өлкөлөрдө түтүнсүз мештерди колдонууга киришти, бул абанын сапатын кыйла жакшыртты. Депутат мындай мештерди көзөмөлдөө боюнча чараларды кабыл алууга жана борбордун газдашуу процессин тездетүүгө чакырды.
Мавлянова ошондой эле түтүндүн кесепетинен астма, бронхит, жүрөк-кан тамыр оорулары сыяктуу оорулар пайда болушу мүмкүн экенин, ал эми узак мөөнөттүү перспективада онкологиялык оорулар жаралышы ыктымал экенин баса белгиледи.
