Окуя 27-мартта күндүн үч чамасында болуп өттү, ошол кезде УПСМдин инспекторлору документтерди текшерүү үчүн унааны токтотууга чечим кабыл алышты. Бирок айдоочу агрессия көрсөтүп, керектүү документтерди берүүдөн баш тартты. Сөз талаштын жүрүшүндө ал патрулдук кызматкерге көкүрөккө жана көзүнө сокку урду.
Мындан кийин мыйзам бузучу кармалып, Первомай районунун Ички иштер башкармалыгына жеткирилди. КРнын Кылмыш-жаза кодексинин 280-беренеси («Хулигандык») боюнча кылмыш иши катталган.
Учурда тергөө иштери жүргүзүлүүдө.
