Маалыматка ылайык, «Экстремист» аталышындагы оперативдүү-профилактикалык иш-чаралардын алкагында, экстремизм жана мыйзамсыз миграция менен күрөшүүчү ички иштер башкармалыгынын кызматкерлери бир катар операцияларды өткөрүштү.
Бул аракеттердин натыйжасында Кара-Суй районунун аймагында жана Ош шаарында жашаган экстремисттик ишмердикке шектелген топ аныкталды.
Шектүү аракеттерин токтотуу үчүн төрт турак жайда тинтүү жүргүзүлдү.
Тинтүү учурунда төмөнкү жарандардын үйлөрүнөн шектүү предметтер алынган:
- Кара-Суй районунун тургуну Г.А. (1993-жылы туулган): 1 мобилдик телефон, 19 DVD-диск, 8 баракча;
- Ош шаарынын тургуну И.А. (2000-жылы туулган): 4 мобилдик телефон, 2 ноутбук, 3 бычак, 1 кастет, 4 баракча;
- Ош шаарынын тургуну Ю.А. (1991-жылы туулган): 3 мобилдик телефон, 1 ноутбук, 10 баракча;
- Кара-Суй районунун тургуну Д.М. (1980-жылы туулган): 2 мобилдик телефон, 8 баракча.
Жалпысынан алынган: 8 мобилдик телефон, 3 ноутбук, 19 DVD-диск, 30 баракча, 3 бычак жана 1 кастет.
Шектүүлөр суракка алынып, заттык далилдер соттук экспертизаларга жөнөтүлдү.
Учурда тергөө иштери уланууда.
Объекттер
Спутник
⛶
