Первомай районунун УВДсына М. Т. аттуу жарандан арыз түшкөн. Ал 14-мартта, саат 13:00 чамасында, "Колмо" турак жай массивиндеги дүкөндө болгон учурда, кылмышкерлер анын жоктугунан пайдаланып, жабык эмес Honda Accord унаасынан Samsung A17 мобилдик телефонун жана 200 миң сомду уурдап кетишкен. Андан кийин алар Hyundai Sonata унаасына качып кетишкен.
Тергөөнүн версиясына ылайык, шектүүлөр шаарда ижарага алынган унаа менен жүрүп, өз курмандыктарын тандап, жабык эмес унаалардан уурулук кылышкан.
ГУВД учурда кармалгандардын ондон ашык ушундай кылмыштар менен байланышы бар экенин билдирүүдө. Тергөөнүн жүрүшү уланууда.
