Чүй облусунда жүргүзүлгөн оперативдик иш-чаралардын жүрүшүндө 1989-жылы төрөлгөн М.Н.А. аттуу жаран кармалган. Анын үйүнөн маанилүү көлөмдө психотроптук заттар табылган.
Кыргыз Республикасынын Кылмыш-жаза кодексинин «Наркотик каражаттарды, психотроптук заттарды жана алардын аналогдорун мыйзамсыз даярдоо, сатуунун максатында» деген беренеси боюнча кылмыш иши козголгон.
Табылган психотроптук заттар боюнча соттук-химиялык экспертизалар дайындалган.
Учурда бул кылмыштуу ишке катышкан башка адамдарды аныктоо боюнча тергөө иштери улантылууда.
