Министрликтин маалымат кызматынын маалыматына ылайык, 1995-жылы туулган С. О. Б. аттуу жаранга таандык «Дэу Нексия» унаасында тинтүү жүргүзүлгөн. Текшерүүнүн жүрүшүндө 101 грамм гашиш жана 155 миң сом табылып, алар азыр кылмыш ишинде далил катары колдонулууда.
Мындан тышкары, 1989-жылы туулган Д. С. С. аттуу жарандын жашаган жеринде кызматтык иттин жардамы менен 4,6 кг гашиш, эки РГД-5 гранатасы, кол менен жасалган ок атуучу курал, 51 патрон, ошондой эле $2 миң жана 87 миң сом табылган.
Уюшкан кылмыштуу топтун уюштуруучусу 1982-жылы туулган К.С.С. аттуу жаран болуп чыкты. Анын жашаган жеринде да афган гашиши (чарс) табылган. К.С.С. мурда башка өлкөлөрдө наркотиктер боюнча кылмыштар үчүн соттолгонун белгилеп өтүү керек.
Жогорудагы маалыматтардын негизинде, КРнын Кылмыш кодексинин 282-беренеси («Наркотиктерди, психотроптук заттарды жана алардын аналогдорун мыйзамсыз даярдоо, сатуу максатында») боюнча кылмыш иши козголду.
Үч шектүү кармалып, Ош шаарындагы убактылуу кармоо жайына жайгаштырылды.
Операциянын натыйжасында 4 кг 706 г гашиш, 2 граната, 1 бирдик ок атуучу курал, 51 патрон, $2 миң жана 242 миң сом алынган. Алынган наркотиктер боюнча соттук-химиялык экспертизалар дайындалды.
Учурда кылмыштуу топтун башка мүчөлөрүн аныктоо боюнча тергөө иштери улантылууда.
