Алдын ала маалыматтар боюнча, окуя 22-мартта жергиликтүү убакыт боюнча саат 23:40 чамасында болгон. Монреальдан учуп келген Bombardier CRJ-900 учагы конгондон кийин учуп кетүү-отуруу тилкесинде кыймылдап жатканда жердеги кызмат менен кырсыкка учураган.
Маалыматтарга караганда, кеминде эки жарандык коргоо кызматкери оор жаракат алган. Учакта болжол менен 100 жүргүнчү болгон, алардын бардыгын эвакуациялоого туура келген. Жабыркагандар тууралуу маалыматтар такталууда.
Жарияланган сүрөттөргө ылайык, учактын алдыңкы бөлүгү олуттуу жабыркаган.
Окуя болгон учурда аэропорттун аймагында катуу жамгыр жаап, көрүү мүмкүнчүлүгү начар болгон.
Окуядан кийин Ла-Гуардия аэропорту убактылуу ишин токтотуп, ага келген учактар башка аэропортторго багытталган. Аэропорттун жакын арада ишин кайра баштаары күтүлүүдө.
