Спутник сүрөтү. Натанздагы ядролук комплексине сокку
Сокку уранды байытуучу «Шахид Ахмадиан-Рошун» объектиси боюнча жасалган. Иран тараптын маалыматына ылайык, радиациянын агып кетиши катталбай, айланасындагы тургундар коркунучка дуушар болгон эмес.
Учурда Ирандын ядролук коопсуздук борбору комплекс аймагында техникалык текшерүү жүргүзүүдө. Адистер келген зыянды баалоо жана радиоактивдүү заттардын агып кетишин алдын алуу үчүн радиациялык фонду көзөмөлдөө менен иш алып барууда.
Чабуулга жооп катары Иран Израилдин Арад шаарын баллистикалык ракета менен аткылады. Жергиликтүү маалымат каражаттарынын маалыматына ылайык, ракета турак жай имаратына тийип, имарат кулап, анын астында адамдар калып калган. Жаракат алган адамдардын так саны азырынча такталып жатат, бирок алдын ала 88 жаракат алган адам тууралуу маалымат бар.
Тегеранда, Израилдин түштүк бөлүгүнө, ядролук реактор жана изилдөө борбору жайгашкан жерге сокку урулушу, Натанздагы ирандык комплексине болгон чабуулга жооп катары жасалгандыгын белгилешти.
